عارف يعنى إيه حد يدخل بيتك و إنت مش موجود

الكاتب : mohamed elghyaty في الثلاثاء، 27 أغسطس، 2013 0 التعليقات

عارف يعنى إيه حد يدخل بيتك و إنت مش موجود


 و يكسر الأبواب و يفتح الدواليب و يدور فى ملابس مراتك الداخلية و يفتح الإدراج و يقلبها فى الأرض و يقلب السراير و يكسر النيش و يقلب الترابيزات و يقطع الانتريه و الصالون و يكسر الاجهزة الكهربائية ...

و يأخد من بيتك كل ورقة رسمية او غير رسمية و كتب الاولاد و كرساتهم و صور زفافك حتى مجلات الاطفال و الجرائد القديمة ....

كلامى ده لو انت ماكنتش موجود و مافيش حد فى البيت ...

طيب عارف يعنى إيه إن حد يدخل عليك بيتك و إنت نايم جنب مراتك و اولادك نايمين فى سرايرهم و يكسر الباب عليك ...

عارف يعنى إيه تشوف الخوف و الفزع فى عيون اولادك لما قاموا من النوم من صوت تكسير الباب و ناس غرب بيدخلوا عليهم ...

عارف يعنى إيه مراتك ما تلحقش تستر نفسها و يدخل عليها رجالة فى غرفة نومها ...

هى دى الدولة البوليسية ... هوا ده قانون الطوارئ

لو أنت موافق إن ده يحصل فيك او فى حد قريبك أو صاحبك أو جارك أو إبنك او بنتك .... خليك قاعد فى بيتك وما تنزلش تقول لا لدولة العسكر البوليسية ... لا للظلم ... لا للطغيان

يسقط يسقط حكم العسكر

0 التعليقات:

إرسال تعليق

السلام عليكم ورحمة الله وبركاته لا تخرج قبل ان تدعمنا وتضف لنا تعليق جزاك الله خير

الأكثر شعبية